11月17日早上我send左sms俾佢，同佢講左生日快樂，並約佢出來吃飯！等左佢成日都冇覆我sms，我以為佢都唔會覆我，點知係夜晚11:10分鐘覆了，話佢自己近來忙到出晒汁，等12月份再約，雖然我唔知佢係唔係度膚淺我定係點啦！我個心都好開心，因為始終都有覆我sms，我係一個好容易滿足的女仔！昨晚開始凍，你要好好照顧好自己呀！
期待著12月份的來臨！
可能係我自我安慰吧！
嘩.......我又足足成3個幾月冇寫blog啦！實在冇咩心機寫，呢幾個月發生左太多的事，令到我都冇法記下來！
係7月尾搵到一份新工，點知做唔到3個月又被裁員了，連試用期都未過，又失業了，以家個市況咁差，都唔知幾時先可以搵到一份新工，個心情極之低落，連部電腦又唔生性壞左，又要儲錢買返部新機！唔知係唔係人黑起來，做咩野都唔順利，唔係呢樣壞就係果樣出事‧‧‧‧‧‧
同佢分開左差不多7個月，但個心從未停止過對佢想念，仲係度期望著佢會來搵我，下個星期一就是你生日，我係度諗緊好唔好send 短信俾你，約你出來吃飯，如果你唔覆我，咁我一定會好傷心難過，我好想見你一面(抱著朋友身份)，我都唔知咁做好唔好，或者你都已經忘記了我，或者都已經有了新女朋友，係我自己一湘情愿！
點解愛一個人要咁痛苦呢？
咁佢又會唔會知道我的痛苦呢？
呢2日的心情超級低落，又連續3晚失眠，點解的男人會咁絕情呢？好似是我做錯野咁，你連續上左3晚MSN，都冇同我打招呼，你之前唔係話分手之後都是朋友嗎？但你好似連朋友都唔做，是不是要我先主動去同你打招呼呢，咁你又會唔會理我呢？你知唔知我到以家都未放D低你，見到你上線我個心好痛苦，唔知點咁(因為之前好想知你有冇封鎖我)，覺得你會上返MSN，就知道你可能已經搵到新的女朋友,或者都將我忘記左。今日我去返我D去年去過泳池度游水，你知唔知我滿腦子都是你影子係度，所以我係度博命咁游，也有“換”想你會係度出現,會撞到你。
好耐冇寫呢個sina blog啦！
之從過左年之後發生左太多唔開心的事，我都唔知是否應該在呢個blog寫下去，今日打開呢個blog睇返之前所寫下的點點滴滴，讓內心更加不安和痛苦！
但是我真的冇地方發洩啦！唯有係個blog訴下苦，我同你分開左3個月，但是從未減少對你思念和愛，晚晚都夢見同你一起好開心幸福，咁你又知唔知呢？點解你要做咁要選擇，莫非你對我真的冇信心嗎？我從來都冇打算放棄過你，無論屋企人點樣要阻止我，我對不會改變對你的愛，都想堅持同你是一起，你都講愛我，你曾經問過我怕唔怕辛苦，我話唔怕，你話會同我一起行呢條漫長而辛苦堅拒的路，點解你講左之後，又要選擇逃避呢？這就難道是愛一個人表現嗎？
你知唔知我到以家都還在等你，希望你會主動搵返我，不過都知道是冇可能的！有幾次拎返起個電話按左你電話出來都好想打俾你，但又唔知你會俾咩反應我，又唔知應該同你講d咩野好，我真係好想知道你的近況是點？搵到工未？你話我分擔唔到你壓力，我知我自己是一個好冇用女友，唔識關心和體貼的女友，但是我由始至終都是盡量是改變自己，希望有一日可以照顧到你三餐，唔使你每日一個人返到屋企係度吃快餐，有一個輕鬆而愉快的晚餐！不過我都知以家是冇可能的為你做任何野！你知唔知我真的好掛住你，每晚都會望下電話，希望有奇蹟出現！次次都是令到我失望
